Kulturnæringa – periferien sitt komparative fortrinn?
Fredag 29.oktober på Glesvær
Påmelding: Bodil.Kjelstrup@periferifestivalen.no
I ein økonomi der ”opplevingar” får auka tyding, har kulturnæringane eit vekst- og utviklingspotensial både direkte gjennom eigen produksjon, men også indirekte gjennom produksjon av innsatsfaktorar til anna næringsverksemd.
Kulturnæringa i Noreg har vorte like stor som hotell- og restaurantbransjen både i omsetjing og sysselsetjing. Framleis er kunstnarleg verksemd med små enkeltmannsforetak kjerna i kulturnæringa, men ei stadig dreiing mot etablering av mindre firma, syner potensialet for stabile, levedyktige aktørar.
Festivalar og kulturarrangement eksisterar i skjæringspunktet mellom idealisme, frivillighet og økonomi. Denne verdiskapninga skjer ofte over eit svært avgrensa tidsrom og dermed med høg økonomisk risiko. Samstundes kan miljøa rundt festivalar og kulturarrangement fungera som grobotn for meir langsiktig næringsutvikling. Men då må samarbeidet mellom kultur- og næringsaktørar bli tettare.
Periferikonferansen 2010 set fokus på:
Korleis investeringar i opplevelsesbasert næring, til tross for høg risiko, kan gje betydelege avkastningar.
Korleis kompetanseheving blant festivalar og kulturarrangement gjev grobotn for innovasjonsvilje og næringsetablering.
Korleis kulturnæringa har og kan bidra til markeringa av regionar på internasjonale marknadssarenaer.
Kvifor er kultur utanfor sentrum betydningsfull i bilete av utviklinga av ein region?
Bygda, havet, naustmiljøet gjev stemning og atmosfære – der havsus møter skaparvilje.
