Frode Grytten – Periferidiktaren
Frode Grytten er blitt løna med prisar for sitt arbeide og har etablert seg som ei særeiga stemme i den nyare norske litteraturen. Han har skrive både romanar, noveller, barnebøker og lyrikk. Me kan mellom anna nemna Bikubesong, Popsongar, Flytande Bjørn og 50/50.
Frode Grytten skriv om periferien:
Arne Garborg skreiv om Jæren – Periferi!
Kjartan Fløgstad skreiv om Lovra – Periferi!
Cólm Toíbin skreiv om Connemarra – Periferi!
Gøran Tunstrøm skreiv om Sunne – Periferi!
Bruce Springsteen skreiv om Freehold, New Jersey – Periferi!
William Heinesen skreiv om Torshavn – Periferi!
Johan Harstad skreiv om Torshavn – Periferi!
Gabriel Garcia Marquez skreiv om Macondo – Periferi!
Morrissey skreiv om Davyhulme, Manchester – periferi!
Edvard Hoem skreiv om Molde – Periferi!
Brit Bildøen skreiv om Molde – Periferi!
Olaug Nilssen skreiv om Skoddeheimen – Periferi!
Kyrre Andreassen skreiv om Drammen – i alle fall perfiferi!
Jon Fosse skreiv om naustet – periferi!
Richard Hawley skreiv om Sheffield – Å, periferi!
Yasunari Kawabata skreiv om fjellene vest i Japan – periferi, søte periferi!
Den mest presise definisjonen eg nokon gong
har hørt av ordet ”periferi” går slik:
”periferien er det som ikkje har med saka å gjøre!”
Ja! Vi tar han ein gang til:
”periferien er det som ikkje har med saka å gjøre!”
Og kven kan seie at Arne Garborg ikkje har noko med saka å gjøre?
Kven kan seie at Gabriel Garcia Marquez ikkje har noko med saka å gjøre?
Kven kan seie at Jon Fosse ikkje har noko med saka å gjøre?
Kven kan seie at Olaug Nilssen ikkje har noko med saka å gjøre?
Kven kan seie at Morrissey ikkje har noko med saka å gjøre?
Arne Garborg skreiv om sentrum!
Kjartan Fløgstad skreiv om sentrum!
Gøran Tunstrøm skreiv om sentrum!
Bruce Springsteen skreiv om sentrum!
William Heinesen skreiv om sentrum!
Edvard Hoem skreiv om sentrum!
Jon Fosse skreiv om sentrum!
Jæren, Sheffield, Drammen, Macondo,
Molde, Sunne, Freehold, New Jersey,
Torshavn, Lovra, Odda, Skoddeheimen,
Naustet, — Glesvær.
Her er òg eit midtpunkt, her er òg eit sentrum.
Velkomen til – periferien – midtens rike!
