Periferifestivalen

Artistar

		deLillos For fyrste gong tek me imot dette store, ikoniske norske bandet som slo gjennom midt på 1980-tallet. Sjølv her vestpå kan eit kva som helst nachspiel enda opp i høglytte diskusjonar om kven av deLillos-platene som er den beste. Strengt tatt burde denne konserten vara minst fire timar, men me får nøya oss med det me får. Det blir garantert bra. http://j.delillos.no/j/
		John Olav Nilsen & Gjengen Bandet som ifølgje Dagsavisen ga ut “Verdens beste plate” i fjor, tar riksvei 555 frå Loddefjord over Sotrabrua og til Periferien. Året som tok til med gullplate og Spellemann, heldt fram med å verta hylla på konsertar landet rundt.
		Datarock Under Periferifestivalen 2008 vart graset på plenen til Bakke hoppa flatt under Datarock sin uforgløymelege opptreden. Sidan den tid har dei turnert Nord Amerika, Storbritannia, Australia og Japan. Dei har no hoppa av bybanen og funne vegen ut att til Glesvær. Det er alltid ein fest å høyra Datarock, og me forberedar oss til konserten med å kjøpa inn nye pakkar med grasfrø.
		Thomas Dybdahl Anten det er aleine, med sitt eige band, National Bank, eller Kringkastingsorkesteret, er det alltid ein eigen aura av kvalitet rundt Thomas Dybdahl. Her er ingenting overlate til det tilfeldige. Med fem album under beltet, skal endeleg også Glesvær få dansa for denne karen.
		Susanne Sundfør Søkjer du på ordet “kompromisslaus” på Wikipedia, er det ikkje usannsynleg at Susanne Sundfør dukkar opp. Debutplata var så bra at den like greit blei spelt inn og gitt ut to gonger. Oppfølgjaren er geniforklart. Dette må bli spanande.
		Fjorden Baby! Etter den oppsiktsvekkjande sterke debuten i fjor, gjorde Fjorden Baby! ei komplett norsk festivalrekkje, som toppa seg med eit sagnomsust sett på heimebana til vår nabofestival 5071. Sidan den gong, har kvintetten, som vart oppdaga av Yngve Sætre. returnert til Duper Studio og staka ut ein ny og spanande kurs. Me er stolte av å få ta del i smuglyttinga.
		Thom Hell Thom Hell måtte bikka 30 før han verkeleg fekk den merksemda han fortener. Dei siste platene hans har nok fått mange til å spørje seg: – Kvar har han vore alle desse åra? Heldigvis er det ikkje for seint å ta att det tapte. Her snakkar me lyden av godstemning. Det skulle dessutan berre mangle at mannen som nærast aleine har gjenreise west coast-musikken sin status her i landet, blir booka av oss ved havet.
		Sondre Lerche Denne karen spelte på kafeen på Glesvær lenge før festivalen såg dagens lys. Slikt står det respekt av. No flyttar han seg rett over kaiplassen. Sondre skal kun spela ein konsert i sommar, den blir solo i naustet til Bakke.
		Morten Abel Dette er tredje gong popkongen tek turen til Glesvær. Han kom med eige band i 2007 og med September When to år seinare. Denne mannen er ikkje kjend for å gjenta seg sjølv. Så i år blir det akustisk intimkonsert i naustet til Bakke.
		Casiokids Frå elektronikahovudsete i Noreg – Bergen sentrum – kjem teknohovudene som ikke nøyer seg med å skru hardt på analogsynthknapper og nikka taktfast og sjølvtilfredse til det ferdiginnspelte kompet. Her snakkar me dokketeater, animasjon, barneshow og tekstliner av typen “hvis du ikke finner bikkjen så blir det ingen premie og ingen sjokolade”. På tide med eit skikkelig bryggerave!
		Megaphonic Thrift Det er kanskje mange som lurar på kva tittelen på det kritikerroste albumet “Decay decoy” betyr. Me begir oss ikkje ut på ein analyse, men konstaterar berre at det er kaos og harmoni skjønn forening.
		Polkabjørn & Kleine Heine Jodle/trekkspillduoen held fram med si ferd frå undergrunnen mot Alpane med å avleggje oss nok eit besøk. Innsatsen dei la ned under trekkspelfredagen i fjor, gjorde det rett og slett umogeleg å ikkje booke dei på nytt.
		Frank Hammersland, Sgt. Petter & Christer Knutsen Kor mykje meloditeft og rå musikalitet er det plass til på ein og same konsert? Svaret får ein truleg når tre av våre aller fremste poptrubadurer inntek scena samstundes. Noko vanleg gitarkameratshow blir det ikkje heller, for mellom seg trakterar trioen også piano, bass, perkusjon, steel gitar og røff elgitar. Dermed kan dei presentere nye, friske versjonar av nokon av sine beste låtar, ispedd eitt og anna sologlansnummer.
		Rune Solberg Dette er vår eigen heimefavoritt. Rune Solberg har spelt med periferiartistar som Magnet, Mari Persen og The Royalties. No har han sleppt debutplata “The Sphinx”, og då er det på høg tid å få ham fram i motlyset.
		Tingingsverket “Skurkeklubben”, alias David Asheim og Jon Hegre frå Kaptein Kaliber, Bjørn Torske, og Jørgen ”Duperman” Træen, har ei rik historie på den norske og internasjonale arena for elektronikamusikk. Årets tingingsverk vil ha tilhald i eit naust, der fiskarar med skjegg og oljehyre utgjer vertskapet.
		Arne Bakke – festivalkunstnar Arne Bakke er utdanna frå Kunsthøgskolen i Bergen med mastergraden i kunst. Under Periferiutstillinga 2010 vil han bidra med eit breitt utvalg av arbeida sine av både nyare og eldre verk. Meir om periferikunstnaren
		BIL i naustet med YLVIS Det er tredje gong den manusfrie og overmodige gjengen skal improvisera fram teater under Periferifestivalen. Alle scenane vert til i naustet etter forslag frå publikum. Dei medverkande er: Tormod Løvold, Eirik del Barco Soleglad, Frode Bjorøy, Bård Ylvisåker og Vegard Ylvisåker.