Periferifestivalen har utruleg nok blitt fem år. Me kan igjen ynskja publikum, frivillige og artistar velkomen til musikalske dagar på kaia på Glesvær. Alle som har delteke i arbeidet med å få i stand ei så stor hending i den vesle bygda desse fem åra, har grunn til å vera stolte av innsatsen som er lagt ned. Festivalen har overlevd takka vera engasjement og arbeidslyst frå bygda og alle frivillige som har medverka.

For femte år på rad er no periferien sentrum ei sommarhelg i august.
Dette er for oss ei stor gleda.

Venleg helsing
Festivalsjef Ole Rasmus Øvretveit, Vidar Glesnes, Sol Glesnes, Heidi Fjell, Atle Sekkingstad, Inga Bettina Waldmann Jørgen Golten Thue og Helga Golten